Comunidade mundial e en España
Fai 200 anos Bahá’u’lláh emerxeu nun contexto de expectativa mesiánica no que diferentes movementos relixiosos de tódalas partes do mundo agardaban a chegada do Prometido.
En occidente, os máis coñecidos foron os milleritas dos Estados Unidos, que agardaban a que viñera Xesús nas montañas, e os Cabaleiros do Temple alemán que se trasladaron ata Haifa (Palestina) para agardaren o Señor das Huestes prometido na Biblia. Tamén mergullaron movementos mesiánicos dentro do islam chiíta, sendo o de máis sona o shaijismo de Persia, que preparou a un grande número de seareiros para a aparición do Mahdi prometido. Daquela, cando Siyyid Alí Muhammad, o Báb –a Porta-, o precursor da Fe bahá’í, declarou en 1884 ser o novo mensaxeiro de Deus que anunciaban as escolas mesiánicas, moitos antigos shaijis axiña o aceptaron. Comezaba una nova dispensación relixiosa.
A comunidade mundial bahá’í
A vida e os escritos de Bahá’u’lláh engaiolaron e exerceron tal atracción entre os seus coetáneos que miles deles deron a súa vida por Él, e foron quen de espalla-la Súa Causa por tódolos continentes. Hoxe, cando se cumpren 200 anos do Seu nacemento, a Fe de Bahá’u’lláh está presente en todo o mundo e abrangue a 2.100 grupos étnicos, raciais e tribais que compoñen a comunidade mundial máis diversa do planeta. Os Seus escritos e a Súa misión son cada vez máis coñecidos en todo o mundo. Millóns de persoas están a aprender de aplicar os Seus ensinos nas súas vidas e nas súas comunidades, para acadar unha mellora do mundo.
Os bahá’ís en España
En España a comunidade bahá’í, establecida dende 1947, conta con máis de 5.000 bahá’ís repartidos nunhas 130 localidades. Xunto cos seus amigos e outras organización afíns, están tentando crear e fornecer comunidades que leven a semente dun novo tipo de sociedade baseada na cooperación e na reciprocidade. Nestes procesos adquiren un papel moi destacado a educación e o empoderamento espiritual, moral e intelectual de nenos, adolescentes, mozos e adultos que desexen contribuír a mellora-la sociedade. Tamén fan agromar espazos nos que se xuntan para orar e consultar.
Explora acerca de Bahá’u’lláh
- Bicentenario de Bahá’u’lláh
- A vida de Bahá’u’lláh
- Obra e influenza no mundo
- Unha comunidade mundial presente en España
