Obra e influenza no mundo
A madureza da raza humana
A forza motriz do proceso civilizador que levará á humanidade cara a unidade orgánica e espiritual do corpo enteiro de nacións procede, según ensina Bahá’u’lláh, das sucesivas intervencións de Deus na historia a través dos Mensaxeiros divinos de cada época. Gracias a esta influenza, as facultades morais e espirituais do home foron quen de medrar a cotío.
A Revelación de Bahá’u’lláh sinala a chegada da raza humana á súa madureza e está cimentada en principios como a unicidade da humanidade, a igualdade do home e da muller, a integración racial, a xustiza económica, a educación universal, a harmonía entre a ciencia e a relixión, a adopción dun idioma universal auxiliar ou a creación dunha mancomunidade mundial de nacións que manteña a paz mediante o principio de seguridade colectiva, entre outros.
A Súa chamada ós líderes do mundo
Perante seu exilio en Adrianópolis dende 1863 ata 1868, e despois en Akká, Bahá’u’lláh escribiu unha serie de cartas ós líderes da época (Napoleón III, a raíña Victoria de Inglaterra, o zar Alejandro II, o Papa Pío IX...)instándoos a defender a xustiza, a honrar os dereitos dos seus súbditos e a convocar unha asemblea para poñer fin á guerra e establecer unha paz que durara. Aínda así, agás algún, a Súa advertencia caeu en oídos xordos e non puido deter as dúas guerras mundiais e outros conflitos sucedidos na primeira metade do século XX.
«Eu son o Sol da sabedoría e o Océano do coñecemento. Eu animo ós desfalecidos e resucito ós mortos. Eu son a Luz de Guía que alumea o camiño».
Explora acerca de Bahá’u’lláh
- Bicentenario de Bahá’u’lláh
- A vida de Bahá’u’lláh
- Obra e influenza no mundo
- Unha comunidade mundial presente en España
